This site uses cookies to store information on your computer. I'm fine with this Cookie information

COVID Update

 

Services are different during the COVID -19 pandemic, to protect the public and staff, including appointment only services.

Please view Sandyford's full COVID-19 statement and COVID- 19 service information page which is updated regularly. You must not attend for an appointment if you have signs of COVID or have been in contact with someone in the last 14 days who has.

For support for those Living with HIV please read the detailed information on the Brownlee website or contact on 0141 211 1074 or 0141 232 2175 for advice.

 

 

 

 

 

گھر پر ابتداء ہی میں طبی طریقے سے اسقاط حَمَل

Early Medical Abortion at Home - Urdu

  • ای ایم اے ایچ کے لیے موزوں ہونے کے لیے ضروری ہے کہ آپ
  • گھر پر کس چیز کی توقع کریں
  • آپ کے علاج کے بعد
  • اس بات کی تصدیق کرنا کہ اسقاط حمل کا علاج کامیاب ہو گیا ہے
  • مندرجہ ذیل حالات کی صورت میں مشورے کے لیے ہمارے ساتھ رابطہ فرمائیں
  • رابطے کی تفصیلات

ای ایم اے ایچ کے لیے موزوں ہونے کے لیے ضروری ہے کہ آپ

نے ای ایم اے ایچ کا انتخاب کیا ہو۔ اس کا مطلب یہ ہے کہ آپ دواؤں کے دوسرے نسخے کے لیے ہسپتال جائے بغیر اپنے گھر کے ماحول میں ہی دواؤں کا دوسرا نسخہ استعمال کر سکتی ہیں ۔

  • 16 سال یا اس سے زیادہ عمر کی ہوں۔
  • اچھی صحت کی حامل ہوں اور ماضی میں حمل کے نمایاں مسائل سے دوچار نہ رہی ہوں۔
  • علاج کے دوسرے پورے دن کے لیے آپ کے ساتھ گھر پر کوئی موجود ہو۔
  • ٹیلیفون موجود ہو اور ٹرنسپورٹ تک رسائی حاصل ہو تاکہ کسی خدشے کی صورت میں آپ کلینک/ہسپتال جا سکیں۔
  • کسی ایمرجنسی ڈیپارٹمنٹ والے ہسپتال سے 30 منٹ کے فاصلے پر ہوں۔
  • 9 ہفتوں سے کم مدت کی حاملہ ہوں۔

آپ اپنی پہلی دوا کے لئے سینڈی فورڈ میں تشریف لائیں گی۔ اس ویزٹ پرڈاکٹر یا نرس آپ کی دوسری دوا کے بارے میں تفصیل فراہم کریں گے اورآپ کے ساتھ دوسری دوا لینے کے لئے کسی دن اور وقت پراتفاق کریں گے۔ آپ کےعلاج کے دوسرے دن آپ کو دوائیوں کا ایک پیکٹ دیا جائے گا، جس میں دواؤں کو کس طرح استعمال کرنا ہے کے بارے میں ہدایات ہوں گی۔

آپ کو علاج کے پہلے اور دوسرے دنوں کے درمیان خون آنے کا مسئلہ درپیش ہو سکتا ہے۔  یہاں تک کہ اگرایسا ہوتا ہے تو بھی، یہ بہت ضروری ہے کہ آپ پھر بھی دوسری دوا لیں - اسقاط حمل کو کامیاب بنانے کے لیے دونوں علاجوں کی ضرورت ہے۔

گھر پر کس چیز کی توقع کریں؟

آپ کو خون آ رہا ہو گا جو کہ آپ کی معمول کی ماہواری سے کہیں زیادہ مقدار میں ہو گا اور اس میں منجمد خون کے بڑے ٹکڑے بھی شامل ہو سکتے ہیں۔ عام طور پردوسرے علاج کے 3-2 گھنٹوں کے اندراندرخون بہنا شروع ہو جائے گا۔ آپ کو یہ یقینی بنانا چاہئے کہ آپ کے گھر میں کافی مقدار میں بڑے سائز کے یا رات کو استعمال کرنے والے سینیٹری تولیے موجود ہوں۔ آپ کو جتنی باربھی ضرورت درپیش ہو ٹوائلٹ استعمال کرنا چاہئے۔ اس کو معمول کے مطابق فلش کرسکتے ہیں جبکہ سینیٹری تولیوں کو معمول کے مطابق تلف کر سکتے ہیں۔

ٹیمپون یا ماہواری کے کپس استعمال نہ کریں۔

آپ کے علاج کے بعد

ابتداء کے کچھ دنوں میں کافی زیادہ خون آئے گا اوراس کے بعد ہلکا ہوجائے گا۔ علاج کے بعد زیادہ ترخواتین کو مجموعی طور پر 10-7 دنوں تک خون آتا ہے، حالانکہ بعض اوقات یہ خون کچھ ہفتوں تک جاری رہتا ہے۔

اپنے علاج کے بعد آپ ایک بار پھر بہت جلد ثمر آور ہوجائیں گی لہذا یہ بہت ضروری ہے کہ آپ فوراً ہی مانع حمل دوا کا استعمال شروع کردیں۔ اگرآپ نے مانع حمل گولیوں کا انتخاب کیا ہے تواسی دن سے آپ کو ان کی فراہمی شروع ہوجائے گی۔ اگر آپ نے کسی پیوندکاری یا انجیکشن کا انتخاب کیا ہے تو، یہ آپ کی پہلی دوا کے وقت سےدیا جائے گا۔ اگرآپ انٹرا یوٹیرائن طریقہ( یعنی کوئل)

لگوانا چاہتی ہیں تواس کی خاطردوبارہ آنے کے لیے ہم آپ کی اپائنٹمنٹ کا بندوبست کریں گے، اورآپ کوعارضی طریقے کی پیشکش کریں گے۔

اس بات کی تصدیق کرنا کہ اسقاط حمل کا علاج کامیاب ہو گیا ہے

اگرچہ یہ علاج بہت مؤثر ہے، اس بات کا بہت ہی کم امکان ہے کہ یہ کام نہیں کرے گا اوراس کے باوجود بھی آپ حاملہ رہ جائیں گی۔ ایسا تَقريبا 100 خواتین میں سے 1 کے ساتھ ہوتا ہے۔ اس بات کو یقینی بنانے کے لئے کہ علاج کامیاب رہا ہے، آپ کو اپنے علاج کے تین ہفتوں بعد حمل کا ٹیسٹ کروانے کی ضرورت ہو گی۔ یہ ایک خاص قسم کا ٹیسٹ ہے جس سے پتا چلتا ہے کہ آیا اب بھی حمل کے ہارمون کثیر تعداد میں موجود ہیں، جو یہ ظاہر کرتا ہے کہ آپ ابھی تک حاملہ ہیں۔

اگر ٹیسٹ مثبت ہے، یا آپ کو تشویش ہے کہ آپ ابھی تک حاملہ ہوسکتی ہیں تو ہم اس بات کا بندوبست کریں گے کہ آپ اسکین کے لیے واپس آئیں۔ اگر آپ کا ٹیسٹ منفی ہے، اور آپ کو کوئی خدشات لاحق نہیں ہیں توآپ کو واپس آنے کی ضرورت نہیں ہے۔

اگر آپ بذات خود اپنا حمل ٹیسٹ کرنے سے خوش نہیں ہیں تو آپ اپائنٹمنٹ کے لیے درخواست کر سکتی ہیں اورٹیسٹ کے لیے کلینک واپس آسکتی ہیں۔

مندرجہ ذیل حالات کی صورت میں مشورے کے لیے ہمارے ساتھ رابطہ فرمائیں

  • اگر آپ کو شدت کے ساتھ مسلسل خون آ رہا ہے  (آرام کرتے ہوئے ایک گھنٹے میں تین یا زیادہ پیڈز بھگو رہی ہیں)۔
  • اگردوسرے علاج کے بعد 24 گھنٹوں کے اندراندر آپ کو کوئی خون نہیں آتا۔
  • اگرآپ کو مجموعی طور پر 4 دن سے بھی کم عرصہ تک خون آتا۔
  • اگرآپ بدبودار مادہ ڈسچارج کرتی ہیں، آپ کو بخار ہے یا پیٹ میں درد ہوتا ہے جس پر درد رفع کرنے والی دوا کوئی اثر نہیں کرتی۔
  • اگرآپ ایک ہفتے کے بعد بھی حاملہ 'محسوس' کرتی ہیں (چھاتیوں میں درد، خرابی صِحَت، بڑھا ہوا پیٹ) محسوس کرتی ہیں۔
  • اگرآپ اپنی ادویات ہدایت کے مطابق استعمال نہیں کرتیں۔
  • اگرحمل کا فالواپ ٹیسٹ مثبت یا  درست نہیں ہے یا آپ کو کوئی اور خدشات ہیں۔

 

رابطہ کی تفصیلات

سینڈی فورڈ ٹی او پی اے آر مشورہ:  8629 211 0141  یا  07976713277         

سوموار تا جمعرات  صبح 8:30 بجے تا شام 7 بجے  تک ،  بروز جمعہ صبح 8:30  بجے تا شام4:30 بجے تک۔

اگرآپ کو ان اوقات کے علاوہ فوری طور پر مشورے کی ضرورت درپیش ہو تو کوئین الزبتھ یونیورسٹی ہسپتال میں گائناکالوجی وارڈ 49 کے ساتھ 2282 201 0141 پر رابطہ فرمائیں۔ 

اگرآپ کو بہت زیادہ خون آ رہا ہو یا آپ کو بہت زیادہ بیمار یا بے ہوش کر دینے والا درد ہو تو، آپ کو اپنے قریب ترین A + E یونٹ میں جانا چاہئے۔