This site uses cookies to store information on your computer. I'm fine with this Cookie information

COVID regulations are changing, find out more here. Physical distancing and face coverings are still required at health care settings across Scotland.

Please note that appointment only clinics are still in place. 

የድንገተኛ ጊዜ እርግዝና መከላከያ

Emergency Contraception - Amharic

የድንገተኛ ጊዜ እርግዝና መከላከያ 

ያለ እርግዝና መከላከያ ዘዴ ወሲባዊ ግንኙነት አድርገው ከሆነ ወይም የእርግዝና መከላከያው ካልተሳካ የድንገተኛ ጊዜ የእርግዝና መከላከያ የማርገዝ እድሎችን ይቀንሳል። 2 ዓይነቶች አሉ 

  • የድንገተኛ ጊዜ እርግዝና መከላከያ ክኒን 
  • የማህፀን ውስጥ መሳሪያ (የኮፐር IUD/ጥቅልል) 

የድንገተኛ ጊዜ እርግዝና መከላከያ ክኒን ከወሲብ በኋላ እስከ 5 ቀናት ሊወሰዱ ይችላሉ።  ከወሲብ በኋላ በፍጥነት በተወሰደ እና በወር አበባዎ የመጀመሪያ አካባቢ በተወሰደ ቁጥር የበለጠ ውጤታማ ይሆናል የድንገተኛ ጊዜ እርግዝና መከላከያ ክኒን ከብዙ ፋርማሲዎች GPዎች እንዲሁም ከሳንዲፎርድ ይገኛል 

IUD በጣም ውጤታማ የሆነ የድንገተኛ ጊዜ የእርግዛና መከላከያ ነው እርሱም ከ99% በላይ ውጤታማ ነው እና ከሚቀጥለው ወር አበባዎ በኋላ ለማቆየትም ሆነ ለማስወጣት መምረጥ ይችላሉ ጥበቃ ያልተደረገለት ወሲብ ከፈጸሙ በኋላ በአምስት ቀናት ውስጥ ወይም እርስዎ እንቁላል የሚለቁበት (ኦቩሌት) ቀን ለመገመት ከተቻለ ከኦቩሌሽን በኋላ እስከ አምስት ቀናት ውስጥ በጤና እንክብካቤ ባለሙያ መግባት አለበት 

ቀጠሮ እንዴት ይያዛል? 

ቀጠሮ ለመያዝ  0141 211 8130 ለሳንዲፎርድ ይደውሉ 

የኢንግሊዝኛ ቋንቋ ተናጋሪ ካልሆኑ በቀጠሮዎ ላይ አስተርጓሚ እንዲቀርብልዎ መጠየቅ ይችላሉ ቀጠሮዎን ሲይዙ የሚፈልጉትን ቋንቋ ይንገሩን እና እናመቻችልዎታለን 

የአስተርጓሚ አገልግሎት በተመለከተ ተጨማሪ መረጃ  https://www.sandyford.scot/sexual-health-services/i-need-an-interpreter/ ይገኛል 

https://nashonlinebooking.com/onlinebookingsystem/en/?hbref=7303069

ሚስጥራዊነት 

በሚስጥር የሚያዝ አገልግሎት እንሰጣለን እና ያለ እርስዎ ፈቃድ እርስዎን የሚመለከት መለየት የሚችል መረጃን ለማንኛውም ሰው አናጋራም እርስዎ ወይም ሌላ ሰው አደጋ ውስጥ እንዳላችሁ ወይም ጤና ላይ አደጋ እንዳለ ካመንን በስተቀር ሲመጡ እውነተኛ ስምዎን እንዲጠቀሙ እናበረታታዎታለን እና በሳንዲፎርድ ውስጥ በኤሌክትሮኒክ መዝገባችን ላይ በደህንነት ይያዛል 

ስለ ወሲባዊ ጤናዎ ከእኛ ጋር መነጋገር 

በጉብኝትዎ ወቅት በጣም ጥሩ እንክብካቤ እንደሚያገኙ ለማረጋገጥ የሳንዲፎርድ ሠራተኛ ስለ ህክምና እና ወሲባዊ ታርክዎ ግላዊ እና ጥንቃቄ የሚሹ ጥያቄዎችን ሊጠይቁ ይችላሉ ለመጨረሻ ጊዜ ወሲባዊ ግንኙነት መቼ እንዳደረጉ ጥበቃ ያልተደረገለት ወሲብ አድርገው እንደሆነ እና ማንኛውም የበሽታ ምልክቶች ያሉብዎት እንደሆነ የመሳሰሉትን ዓይነት 

ሠራተኞች እርስዎን ለመወቀስ እዚያ አልተገኙም ማንኛውም እርስዎ የምናገሩት ነገር አያደነግጠንም ወይም እፍረት አያሰማንም ነገር ግን በተሻለ ሁኔታ እርስዎን መመርመር ማከም እና መደገፍ እንድንችል ሀቁን መናገር ይኖርብዎታል የምትናገሩት ሁሉም ነገር በኤሌክትሮኒክ መዝገብ ሥርዓታችን ላይ በሚስጥር ይያዛል ወደ ሌላ አገልግሎት እርስዎን ለመላክ በእርስዎ ፈቃድ መረጃ ማጋራት ካስፈለገን በስተቀር በጣም አልፈው አልፈው በሚታዩ ሁኔታዎች ውስጥ ሠራተኞች ለእርስዎ ጥበቃ ሲባል መረጃ ማጋራት ሊያስገልጋቸው ይችላል 

የሚመርጡ ከሆነ ወንድ ወይም ሴት የጤና ባለሙያን ለማየት መምረጥ ይችላሉ ነገር ግን ክሊኒኩ ሥራ የሚበዛበት ከሆነ ከተለመደው በላይ ረጅም ጊዜ መጠበቅ ሊኖርብዎት ይችላል እና ቀጠሮዎን ሲይዙ ይህንን ሊያሳውቁን ይገባል 

ከመምጣትዎ በፊት ምን ይጠበቃሉ? 

የቀጠሮ ርዝመቶች ከ10 ደቂቃዎች እስከ 90 ደቂቃዎች ሊለያዩ ይችላሉ በቀጠሮዎ ላይ ለፍላጎቶችዎ እንደምንጨቅ ለማረጋገጥ የተቻለንን ሁሉ እናደርጋለን ነገር ግን አንዳንድ ጊዜ እንደምንሰጠው የአገልግሎት አካል ለሌላ ቀጠሮ ተመልሰው እንዲመጡ ልንጠይቅዎት እንችላለን 

ከቀጠሮዎ በፊት ደብዳቤ ከላክንልዎት የሚፈልጉትን ሁሉም ተገቢ የቅድመ-ቀጠሮ መረጃን እናካትታለን 

ቀጠሮ ላይ ሲገኙ ምን ይጠብቃሉ? 

ለአስተርጓሚ ጠይቀው ከሆነ በቀጠሮዎ ጊዜ ያገኙዎታል 

እኔ ሲደርስ ምን ይፈጠራል? 

ሲደርሱ የቁጥር ካርድ የሚቀርበው አገልግሎት ላይ መረጃ ያካተተ ጥቅል የግል መረጃዎ ምን እንደሚሆን የሚያብራራ የሚስጥራዊነት ሰነድ እና የምዝገባ ቅጽ በሚሰጥዎ/በምትሰጥዎ እንግዳ ተቀባይ ይቀበላሉ የእንግዳ ተቀባዩ/ዋ ለመመዝገብ ተራዎ እስኪደርስ ድረስ እንዲቀመጡ ይጠይቅዎታል/ትጠይቅዎታለች የምዝገባ ቅጽ መሙላት ላይ እርዳታ የሚፈልጉ ከሆነ ለእንግዳይ ተቀባይ ማሳወቅ ይችላሉ እባክዎ ይህንን በቻሉት መጠን ይሙሉ 

ለምን ያህል ጊዜ መጠበቅ አለብኝ? 

በተሰጠዎት የቀጠሮ ጊዜ ተቀራራቢ ላይ እንዲታዩ የተቻለንን ሁሉ እናደርጋለን እንዳለመታደል ሆኖ፣ ያ ሳይሆን የሚቀርባቸው ሁኔታዎች አሉ ለቀጠሮ መጥተው ለ30 ደቂቃዎች ጠብቀው እና ካልተጠሩ እባክዎ ለእርስዎ ምን እየተደረገ እንደሆነ መጠየቅ ለሚችል/ለምትችል የእንግዳ መቀበያ አባል ያሳውቁ በአንድ ጊዜ የሚሰሩ ብዙ ክሊኒኮች ስላሉን ከእርስዎ ኋላ የደረሰ ሰው በኋላ ሊጠሩ ይችላሉ 

ዘግይቼ ከደረስኩስ? 

ታካሚዎች ለቀጠሯቸው ዘግይተው የሚደርሱባቸው አጋጣሚዎች እንዳሉ እናውቃለን ለቀጠሮዎ ዘግይተው ከደረሱ ሙሉ የመጀመሪያው የቀጠሮዎ ጊዜን ማክበር እንደምንችል ዋስትና መስጠት አንችልም ለቀጠሮዎ ዘግይተው ሲደርሱ የክሊኒክ ቡድን አባል መጥቶ/ታ እንዲያናግርዎ/እንድታናግርዎ እንግዳ ተቀባዩ/ዋ ያመቻቻል/ታመቻቻለች አንድ ሰው እስኪገኝ ድረስ መጠበቅ ሊኖርብዎት ይችላል ለአንዳንድ ክሊኒኮች እና አሰራሮች ከዘገዩ እርስዎን ለማየት አንችልም ይህ የሚሆን ከሆነ አማራጭ ቀጠሮን እናመቻችልዎታለን 

በማማከሪያው ጊዜ ማንን አገኛለሁ? 

ብዙ አገልግሎቶቻችን የክሊኒካል ባለሙያዎች ቡድን ሠራተኞች አላቸው በአገልግሎቱ መሰረት ሀኪሞች ነርሶች የጤና እንክብካቤ እርዳታ ሰጪዎች አማካሪዎች ወይም የስነ-ልቦና ባለሙያዎች ሊሆኑ የምችሉትን ሁሉም ሠራተኞቻችን እርስዎ ወደ ክሊኒክ ክፍል ሲጠሩ እራሳቸውብ ያስተዋውቃሉ 

ለተለየ የክሊኒክ/የህክምና ባለሙያ ጾታ ምርጫ ካለዎት እባክዎ ቀጠሮዎን ሲይዙ ያሳውቁን ስንችል ያንን ጥያቄ ለማክበር እንሞክራለን ነገር ግን ዋስትና መስጠት አንችልም 

ምርመራዎቼ እንዴት ይወሰዳሉ? 

በግብረ-ስጋ ግንኙነት ለሚተላለፉ አባላዘር በሽታዎች ምርምራ ከፈለጉ ወይም ማድረግ ከለብዎት የሽንት ወይም የደም ናሙና ማቅረብ ሊኖርብዎት ይችላል አንዳንድ ምርመራዎች ከመራቢያ ብልቶችዎ የፈሳሽ ጥርግ እንዲወሰድ ሊያስፈልጉ ይችላሉ እና ምን ዓይነት ወሲብ እንደፈጸሙ ላይ በመመርኮዝ ከጉሮሮዎ እና ከትልቁ አንጀት ጫፍ (ፈንጢጣ) ሊወሰድ ይችላል ይህ ትንሽ ምቹ ላይሆን ይችላል ነገር ግን የክሊኒክ ሠራተኞች እነዚህን ምርመራዎች ለማድረግ የላቀ ስልጠና አላቸው እና በጥሩ እጆች ውስጥ ነው ያሉት አንዳንድ ምርመራዎች ሀኪሙ/ሟ ብልቶችዎን እንዲያይ/እንድታይ ሊያስፈልጉ ይችላሉ ተመሳሳይ ጾታ ባለው/ላት ሀኪም መታየት የተሻለ ምቾት የሚሰጥዎ ከሆነ እባክዎ ቀጠሮዎን ሲይይዙ ያሳውቁን 

ልጆችን ይዤ መምጣት እችላለሁ? 

ልጆችን ይዞ አለመምጣት በጣም ጥሩ ነው እናም በህንጻው ላይ የልጅ እንክብካቤ አገልግሎቶች የሉም ከልጅዎ ጋር መምጣት ካለብዎት እርስዎ በክሊኒክ ውስጥ በሚሆኑበት ጊዜ በመጠባበቂያ አካባቢ ውስጥ የሚያንከባክቧቸውን ሌላ አዋቂ ይዘው ኑ። ልጆችዎን ከሚታመን አዋቂ ሰው ጋር መተው ከቻሉ በርካታ የመጫወቻ አካባቢ ያለው ተወዳጅ ፓርክ በመንገዱ አልፎ አለ ካልሆነ ልጆችዎን ትተው ሌላ ጊዜ ተመልሰው እንዲመጡ ሊጠየቁ ይችላሉ